撐彭美拉斯贏多鋪入決賽
2012/06/21文:洪心Dee

巴西盃 朝上演4強次回合，彭美拉斯返回主場迎戰甘美奧，佢哋首回合作客以2:0淨勝對手，踩咗半隻腳入決賽。甘美奧今場焗攻，後面反而有更多空位畀主隊製造入波機會，1.95倍主勝有得諗！

彭美拉斯至今5場巴甲聯賽只得2和3負成績，排喺尾3位置，不過班波去到巴西盃表現即判若兩隊，過關斬將殺入4強，教練史高拉利明顯將重心放喺巴西盃上，實行搶到隻盃再慢慢喺聯賽收復失地，佢亦表明今場主場出擊唔會掉以輕心，最好贏波出線咁話。

甘美奧上仗主場都畀人𡁻入兩粒，作客更加難寄予厚望，加上陣中傷兵滿營，後衞拿度、西蒙賓斯同祖利奧施薩等齊齊倦勤，後防大穿窿下，隨時輸多幾球出局。