歐國盃：英意Bad Boy隨時劈天光
2012/06/24文:蘇豪
歐洲國家盃八強壓軸戰由英格蘭決戰意大利，兩大壞孩子朗尼同巴洛迪利將英超戰場帶到落決賽周。英軍老帥鶴臣講明唔介意醜陋地贏波，將繼續用穩守突擊戰術，大踢「車路士式」悶蛋足球。意軍今屆經常虎頭蛇尾，為免再喺尾段莫氣，今次早段唔會谷得太盡，預期雙方半場冇交收，要「半場和」！

英格蘭鬥狗上身
英格蘭分組賽三戰兩勝一和首名晉級，當中並冇乜邊場踢得輕鬆，最後一輪對住烏克蘭即使有朗尼復出仍然要捱打，連搓腳波都唔多掂，悶戰連連，令唔少捱夜睇波嘅朋友叫苦連天。如果你唔係死忠「英粉」，又唔係有心賭球，今次捱夜前要有踢埋加時同射十二碼嘅心理準備，唔好妄想英軍突然變招大踢進攻足球，佢哋依家最叻係守，鶴臣講明最緊要交到成績，唔怕悶親球迷。

隨住朗尼停賽期滿復出，英格蘭中前場齊晒腳，但控球在腳組織攻勢並非佢哋強項，正如守將A高所講，英軍最強之處係鬥志一流，有如十一條鬥狗喺場上無間奔走力逼對手，隊長謝拉特場場忘命瞓身助攻助守，個個大牌球星齊齊放下身段落手落腳做「髒活」，踢來甚具車路士feel！今戰快翼艾舒利楊格傷勢無礙齊腳出擊，大軍會先穩住後防，再