小保加哥連泰斯擺姿「細」
2012/06/27文:法達斯維
當大家睇歐國盃睇到如癡如醉時，唔好唔記得美洲仲有一場重要賽事， 朝上演南美自由盃決賽首回合嘅「阿巴對決」，由阿根廷班霸小保加坐鎮主場，迎戰上季巴甲盟主哥連泰斯。論實力就不相伯仲，不過喺決賽場合，而且只係首回合，預計兩隊唔會冒進，不妨敲入球細。

兩軍為爭奪今屆自由盃，不惜犧牲聯賽成績，以小保加為例，近七場只嘗一勝，贏波嗰場都係自由盃四強對智利大學，雖然哥連泰斯近八場錄得三勝，但有兩場贏波係自由盃賽事，可見雙方為此盃賽已留晒力，爭標決心十足，因此近績差劣不能作準。

兩隊同樣鋒力疲弱
除留力之外，兩軍另一共通點係鋒力疲弱，哥連泰斯剛喺巴甲反勝彭美拉斯，係該隊今季首次喺一場聯賽攻入多於一球，這與季前同「肥祖」阿祖安奴解約，前線缺乏一名具牽制力嘅高效中鋒不無關係。而小保加踢親盃賽都分外保守，該隊近十二場嘅自由盃賽事，有成七場都係一球起、兩球止。

由於今場只係決賽首回合，預計雙方都會以保守戰術迎敵，絕不敢輕舉妄動，加上賽例係唔計作客入球優惠，更加減低客軍哥連泰斯急於爭取入波嘅意欲。既然「阿巴對決」以謹慎行先，在敵不動我不動下，入球細有1.5倍非常穩陣。

自由盃晉級之路

小保加
日期 階段 賽果

22/06/12 4強次回合 作客和智利大學 0:0

15/06/12 4強首回合 主場勝智利大學 2:0

24/05/12 8強次回合 作客和富明尼斯 1:1

18/05/12 8強首回合 主場勝富明尼斯 1:0

10/05/12 16強次回合 作客勝艾斯賓路拿 3:2

03/05/12 16強首回合 主場勝艾斯賓路拿 2:1

哥連泰斯
日期 階段 賽果

21/06/12 4強次回合 主場和山度士 1:1

14/06/12 4強首回合 作客勝山度士 1:0

24/05/12 8強次回合 主場勝華斯高 1:0

17/05/12 8強首回合 作客和華斯高 0:0

10/05/12 16強次回合 主場勝艾美歷克 3:0

03/05/12 16強首回合 作客和艾美歷克 0:0

註：只列淘汰賽階段成績