歐國盃：C朗挑戰西甲明星隊
2012/06/27文:李克勤
今晚4強「雙牙大戰」，葡萄牙給我的印象是愈踢愈好，由熱身賽到分組賽，充分顯出了球員之間的合作性，這是以往甚少在葡萄牙身上出現。連續兩場都有入球的C朗將會成為西班牙的「獵物」，這位連續兩場當選為最佳球員的翼鋒今場除了應付一眾巴塞球員之外，還要力敵至少三位皇馬隊友！相信C朗在球場裏的一舉一動，西班牙的球員比任何一隊都更加清楚。

西班牙上場8強戰，被外間覺得有點鬆散，實質上是對手法國踢得更不積極。今場西班牙先要由波蘭飛往烏克蘭，而且休息時間比葡萄牙少兩天，論備戰狀態及體力回復可能比對手稍弱，但善於控球的西班牙經驗豐富，相信今場好大機會沿用4-6-0戰術，而後備席上有費蘭度托利斯及柏度洛迪古斯可供隨時轉陣，究竟「雙牙」哪隊入決賽？記得睇實我同聰仔再加「金猴」組合的直播，今晚更與廣東電視台來一個隔空視像交流，與何輝及陳譚大講波經！大家常見陳譚出現在「叻人講波」，今晚首次與這位前輩來個兩地連線，十分期待！

英格蘭擁躉李克勤，今屆化身成nowTV歐國盃大使陪你睇足31場大戰！