歐國盃：意大利晉級「兩個機會」
2012/06/28文:黃興桂

意大利晉級機會有幾多？套用Peter以前經常用嘅說話「只有兩個機會：1.機會渺茫、2.冇機會！」此句說話被捧為「金句」，用來反映意大利現時情況最為貼切。

防守係意大利嘅足球文化，佢哋踢波以守為主，不論面對任何對手，意大利戰術理念都係先唔失波，即使對住實力較弱對手，一樣防守行先，贏唔到唔緊要，唔輸就得嘞。

防守行先，其實亦係弱隊對強隊嘅戰術，意大利今屆能夠打入四強，已經非常難得，但今場遇上大勇嘅德國，晉級機會可謂相當渺茫。

歐國盃接近尾聲，在Peter眼中，德國係至強隊伍，球隊四線實力平均，領隊勒夫催谷球員恰到好處，真正做到波到人到，德軍踢法亦有三個優點：「不自私、團結、悅目」，令人放心。

變數全看派路同巴洛迪利
意大利嘅變數只有兩個：「派路、巴洛迪利」。派路的罰球是球隊殺着，德軍要小心提防，至於巴洛迪利更係一名「神經刀」，就算佢之前浪費幾多機會，今場都唔可以走漏佢。

其實依家好多球圈人士與普羅球迷都睇好德國，佢哋殺入決賽嘅機會高唱入雲，從賠率研究，德國主Ｗ值得捧場，波膽亦可小敲一比○、二比○。

金句：渺茫機會要成真，意國完美防守抗德軍！