戴拿模乘機搶W
2012/07/03文:巨高
周三早上有兩場美職上演，較早時間開打有侯斯頓戴拿模主場對芝加哥火燄。論近況火燄較為優勝，但因今場要作客，加上之前幾場對手實力較強，相信令球員體力消耗相當高。今場侯斯頓戴拿模可以秤高多少，主W值得捧場。

侯斯頓戴拿模對六月尾曾以二比四不敵弱隊蒙特利爾衝擊，但球隊好快就重拾狀態，上仗以二比一擊敗費城聯，亦相信勝利可增強球員鬥心。實在侯斯頓戴拿模近期幾次喺主場對芝加哥火燄都有唔錯演出，今期值得再追。

雖然客軍芝加哥火燄近三場連勝氣勢逼人，但對紐約紅牛及肯薩斯體育會時耗力甚多，今場未必可以及時回氣，勿因近況好而盲目追捧。

地震客勝率高可再追
另外波特蘭伐木者主場對聖荷西地震，客W可優先留意。榜首聖荷西地震今季演出長期保持穩定，聯賽客勝率亦相當之高，唔好因作客就睇小佢哋。特別要留意係前鋒雲度路斯基，暫時已取得十四個聯賽入球，數字比起約紐紅牛雙雄亨利及堅尼谷巴仲多。雲度路斯基今季大熟大勇弗到爆燈，波特蘭伐木者班守衞都幾難擋得佢住。實在兩支球隊喺實力上有一定差距，客W超過兩倍極之抵玩。