海灣者回師主場截斷急流
2012/07/07文:ComboKing

美職西雅圖海灣者主場對科羅拉多急流，早陣子西雅圖海灣者步入作客周期，連同盃賽及聯賽連踢四場作客，如今終於返回主場作賽，地利之助對於西雅圖海灣者會有好大幫助。西雅圖海灣者今場贏面稍高，主W值留意。

西雅圖海灣者雖然連續四場作客，但演出其實唔算差，當中只輸過一場。賽績反映出球員狀態良好，相信今次返主場比賽會有更進一步演出。另外對賽往績方面，西雅圖海灣者佔得絕對性優勢，今場有望延續佳績。科羅拉多急流剛賽主場面對加拿大球隊溫哥華白帽也全失三分，實力有限今場不宜過分憧憬，主W先揀。

肯薩斯W可添食
另外，肯薩斯體育會主場對侯斯頓戴拿模，同樣選擇主W。前者喺周中以輕鬆姿態擊敗蒙特利爾衝擊，球員信心返晒嚟，要擊敗侯斯頓戴拿模應該唔難。最後介紹番皇家鹽湖城主場對波特蘭伐木者，雖然話皇家鹽湖城近況差到貼地，但計班底必在波特蘭伐木者之上，主W開出機高。