柏雷素爾「大」走鯨魚
2012/07/07文:蘇豪
日職衞冕球隊柏雷素爾全面回勇，上場轟入六粒狂數大阪飛腳，真正重現霸氣，今輪於中立場對名古屋鯨魚將繼續大踢進攻足球。鯨魚近期齋踢一個永井謙佑都掂，唔怕同對手鬥攻，入球大屬投注首選。

柏雷素爾已於亞冠盃出局，近期專心踢番聯賽，表現愈來愈好，已有山雨欲來之勢，上場鬥大阪飛腳終於嚟料，澤昌克大爆發轟入三粒，中場李安度杜明基斯亦有士哥，火力全開，班哥仔踢到欲罷不能，上次作客都咁攻法，今次去到東京國立競技場好難勒住囉。

鯨魚永井謙佑腳風順
柏雷素爾攻力勁，咁名古屋鯨魚又點呢？鯨魚中鋒約舒亞堅尼地目標太大長期畀人睇實，只能掩護隊友建功，隊中左腳王玉田圭司養傷，造就小將永井謙佑上位，呢個日本奧