作客連贏7站 橫濱順風車搭得過
2012/07/08文:蘇豪 
 

今輪日乙危機四伏，前列球隊東京綠茵、湘南比馬同大分三神等作客出戰可勝不穩，當睇少幾場！同日當紅球隊FC橫濱作客岡山綠雉，橫濱連開七口客W，長贏長有，今場開緊平手盤咋喎，再搭順風車啦！

世事多變，猶記得FC橫濱季初戰績低迷完全唔識入波，勢估唔到佢哋喺短短幾個月搖身一變成為日乙其中一隊銀行隊，明明用緊同一班人，因乜解究會咁叻呢？一係之前集體造假，一係班兵踢起信心，日本唔係南韓，邊有咁多假波吖，個人覺得係班球員連場贏波後士氣大振，愈踢愈好。

FC橫濱戰績冒升，主要因為前線火力大增，巴西射手卡奧菲臘比用士哥證明自己唔係水貨，近期入球停不了，大軍家陣有機會殺入前列爭升班，目標鮮明，挾作客七連勝強勢出征，絕對有權再贏！另一邊廂岡山綠雉過分倚重射手川又堅碁爭取入波，近期主場個勢又麻麻，靠唔住！

愛媛讓唔起向日葵
另外，北九州向日葵主場對FC愛媛，愛媛出晒名主強客弱，喺客場只得日乙下游級數，無論主場戰績有幾好，作客都可以統統抹晒去，大軍近五次對向日葵贏過一場咁大把，讓唔起對手，要「讓球主勝」。

日乙推介
FC橫濱 平手盤

北九州向日葵 讓球主勝

草津溫泉 細