白帽作客多倫多獻「細」
2012/07/11文:ComboKing

周四早上有美職及美聯盃舉行，率先登場為加國打吡，由FC多倫多主場對溫哥華白帽。純計質素當然以溫哥華白帽秤先，不過佢哋想贏波就唔係咁易，一來白帽作客唔叻，二來FC多倫多好熟悉對手路數，相信有相應對策防犯白帽。阿King估計今場會係拉鋸戰，入球唔易產生，細盤可優先留意。

FC多倫多攻力有限，尤其係美職主場賽事，平均每場都入唔到一粒，相信FC多倫多自己知自己事，今場都會以守為主，保持不失係球隊今場最大目標。白帽踢法或會較主動，奈何作客取分率偏低，要撕破主隊大門有難度。實在雙方近幾次對賽都係經常開出細盤，相信今次都唔例外。

海灣者暢飲芝華士
至於兩場盃賽，費城聯主場對肯薩斯體育會，費城聯受讓捧「讓球主勝」。費軍近況唔差，轉戰盃賽一樣唔可以輕視。至於西雅圖海灣者主場對美國芝華士，海灣者係盃賽專家，面對弱隊可輕鬆取勝，捧主W。