哥列迪巴「大」反擊
2012/07/11文:法達斯維
明早上演巴西盃決賽「大」戰，首回合輸緊兩粒嘅哥列迪巴，為咗收復失地，次回合重返主場勢必痛擊彭美拉斯，但喺狂攻之下更有利客軍打反擊，2倍入球大有買趁早。

為咗爭奪巴西盃，哥列迪巴不惜於巴甲留力，但呢招唔係好見效，首回合作客淨吞兩蛋，級數上明顯有差距，加上球隊防守存在唔少漏洞，令彭美拉斯有機可乘。雖然係咁，但哥列迪巴今仗唔會諗咁多，一定焗攻博反勝，其實該隊鋒線絕對唔弱，一眾中前場球員如迪捷高、連干、安達臣艾基奴近況不俗，如果佢哋豁出去狂攻，要入波唔係難事。

彭軍入波停不了
傳統勁旅彭美拉斯亦非善男信女，雖然有兩球在手，但深明主隊會搶攻，可趁對手空群而出打反擊，啱晒合尺！同時彭美拉斯近七場比賽有六仗取得士哥，證明該隊不乏攻力。

睇番對賽往績，上年兩軍曾在巴西盃碰頭，哥列迪巴於主場以6比0狂數彭軍，加上生死關頭雙方盡地一煲，入球大有好分頭不容錯過。