鹿角磨尖摧花
2012/07/14文:蘇豪
日職直播賽事大阪櫻花主場對鹿島鹿角，櫻花擅於培育球星，近年賣走多位猛將，賺埋唔少錢，但經常有主力離隊，人腳變得太多，早前賣走日本國腳清武弘嗣，近期又有南韓球星金甫炅轉投卡迪夫城，中前場進攻組合要大執，今次主場受讓都信唔過，要鹿島鹿角上盤！(now 633及660周六晚6時直播)

大阪櫻花近年向歐洲球壇輸出唔少優質球員，最勁嗰個香川真司啱啱去咗英超班霸曼聯，另外，會方上年放咗乾貴士去波琴，今年就畀中場清武弘嗣轉投紐倫堡，最新消息輪到進攻重心金甫炅離隊，據報英冠球隊卡迪夫城即將以300萬鎊簽下呢位南韓球星。櫻花主力走完一個又一個，中前場要重新砌過，邊有咁快執得掂吖！

作客讓櫻花擺明有計
鹿島鹿角今季進入重整期，主帥佐真奴重用本土年輕球員，中場遠藤康、柴崎岳及箭頭大迫勇也等同樣獲得大量上陣機會，初期發揮唔多穩定。經過上半季實戰磨練後，一眾小將表現漸入佳境，大軍戰績稍有起色，但鹿角屬日職名牌球隊，絕不甘於沉淪中下游。兩隊排名接近，鹿角作客都要讓平半，盤口硬淨，上盤值得留意。

日職推介
新潟天鵝 讓球勝

鹿島鹿角 上盤

磐田山葉 讓球勝