保地花高晒冷鬥大
2012/07/15文:法達斯維
今日斯維搞搞新意思轉玩巴甲，其中保地花高形勢「大」好，預計該隊會貫徹其有前冇後、打死罷就嘅踢法，主場出擊唔赦同樣嗜攻嘅富明尼斯，1.87倍入球大屬不二之選。

保軍開大率100%
邊隊係巴甲「大盤王」？梗係保地花高喇，今季開咧8場波，無論對住乜嘢對手，佢哋都踢得極其開放，因此開大率達百分百。

保地花高不乏踢進攻足球嘅本錢，中前場如艾傑臣、靴里拉、域陀祖利亞、安達仙奴質素唔曳，但因壓得太前，令防線暴露更多空位，得失球數字自然多啦！

今季保地花高喺聯賽非贏即輸，證明佢哋絕不死守求和，咁進取嘅態度，難怪至今得失球之比達20對14。對手富明尼斯亦唔輸蝕，擁有名將迪高及費特，加上新仔森姆爾羅沙彈起，令攻力有增無減。兩軍為追趕榜首球隊明尼路，今仗實搏甩髀互片，大盤有1.87倍，非常抵玩。