赫根猛火大起奧雷布洛
2012/07/19文:蘇豪

瑞典超獨腳戲由赫根主場對奧雷布洛，赫根今季聯賽主場士哥數字冠絕瑞典超，平均每場轟入三球，自己一隊都夠開大，火力嚇死人，今次對住下游分子奧雷布洛又會繼續喪攻，主Ｗ偏熱，捧入球大更佳！

「瑞典巴塞」主場喪入波
赫根今季大踢進攻足球，主要用地面推進組織攻勢，有人封佢哋為「瑞典巴塞」，個朵確係誇咗啲，不過，單睇紙上賽績，赫根真係唔嘢小，特別係主場出戰極具惡氣，今季聯賽主場七戰轟入廿一球，確係相當犀利。加納九十後前鋒華維斯踢起信心，現於聯賽射入十三球喺射手榜領放，今場仍屬球隊取分之匙。

奧雷布洛今季跌晒Watt，踢咗十五周僅得十分包緊艇，落後尾四西里安斯卡七分之多，下半季預咗要護級。奧雷布洛今季攻弱守弱，但偶有神來之筆，佢哋之前成功戰勝前列球隊馬模，反映班波其實唔算太曳，今次對住赫根並非全無搶分之力，特別係赫根攻強守弱，後防甩漏甚多，隨時畀人偷雞，主勝太熱唔抵玩。

翻查往績，兩軍近四次聯賽交手均開入球大，結合赫根今季聯賽主場七戰六大走勢，預期今場入波唔會少，捧大！