佐加頓斯和波率高
2012/07/23文:ComboKing

周二凌晨得3場北歐波玩，但阿King一樣搵到好路，其中瑞典超諾高平主場對佐加頓斯，可直取和局。佐加頓斯係「和波王」，近十場聯賽八次和波，比率高達八成；諾高平雖有主場之利但攻力麻麻，雙方大有可能重演上輪和波賽果，打和3.25倍筍極。

馬模翻嗒加爾斯
佐加頓斯踢法積極，不過攻力只屬一般，所以目前得球同失球數字一樣，都係20球。呢班波好硬淨，而且又有鬥志，就算多次先落後都追得番。諾高平實力平平無奇，得勝率唔高，上次作客佐加頓斯就打成一比一平手。順帶一提，佐軍近八次和波，全部打成一比一，求賠率的話，可補注1:1波膽。

另外一場馬模作客加爾斯，加爾斯係瑞典超狀態最差球隊，近四戰一和三負，仲連一球都入唔到，上場作客馬模就輸到完全冇得打，今次就算有主場之利都唔夠馬模打，要客W。仲有一場挪超，利尼史特朗狀態不俗，但洛辛堡已重拾班霸本色，主場出擊可大數對手，要「讓球主勝」。