奧林比亞會南球盃發圍
2012/07/24文:Mic少

新一屆南美球會盃明早展開第一圈首回合，頭炮由達奴比奧主場對奧林比亞會，巴拉圭球隊奧林比亞會屬於南美老牌球隊，曾三次奪得自由盃冠軍，擁有優秀傳統。球隊整體實力及經驗都凌駕烏拉圭球隊達奴比奧，Mic少直取客勝。

奧林比亞會係巴拉圭最成功球會，可以經常出戰美洲賽事，分別於1979、90及2002年三奪自由盃冠軍，今年都有份踢自由盃，但分組賽出局，可見奧林比亞會本身屬於自由盃級數，今次「降格」踢南球盃應該有一番作為。

達奴比奧陪跑分子
反觀，達奴比奧只屬烏拉圭中小型球會，成立八十年歷史以來，只曾三次奪得國內頂級聯賽冠軍，之前五次參加南球盃都係首圈出局，名副其實嘅陪跑分子，今仗有地利亦無補於事。另一支巴拉圭球隊塔庫里主場對智利球隊哥比路亞，哥軍狀態低迷，今季聯賽兩戰皆敗，冇能力雙線作戰，塔庫里勝算較高。