斯利納歐聯外圍賽有基
2012/07/24文:巨高

歐聯外圍賽第二圈次回合，以色列球隊基爾史莫納夏普爾主場對斯洛伐克球隊斯利納。首合回斯利納僅以一球擊敗對手，故此次回合唔可以放軟手腳。其實以色列球隊水平唔高，唔好對基爾史莫納夏普爾有太大憧憬，巨高一於捧客勝。

基爾史莫納夏普爾實力有限
斯利納曾經喺一○至一一年球季入過歐聯三十二強分組賽。雖然當年無法打入淘汰賽階段，但已證明斯利納嘅實力唔差，喺歐聯外圍絕對有競爭力。其實斯利納陣中都有唔少外援，而且大部分都係非洲裔，荷蘭籍教練艾迪拿希望借助非洲球員強大身體對抗性去衝擊對手防線。基爾史莫納夏普爾實力唔強，歐賽經驗又唔及斯利納咁豐富，就算有主場之利亦唔樂觀，客W開出機高。

另外哈薩克球隊卡拉簡迪主場對捷克球隊利巴域，兩隊攻力都唔算太強，開出細盤機會較高。至於奧地利嘅薩爾斯堡主場對盧森堡球隊杜迪蘭治，主隊質素較高兼有主場之利，今場大勝可期，「讓球主勝」捧得過。