西甲勁旅巴塞隆拿今晚遠赴羅馬尼亞，同布加勒斯特戴拿模「拍跳」，主隊狀態唔曳，難得有機會與巴塞同場較技唔會縮，預計巴塞仍會繼續試陣，志在娛樂觀眾，可勝不穩，捧大盤好過。

齋睇近況，布加勒斯特戴拿模兩勝一和之餘仲入咗9粒，進攻都幾銳利，不過失咗5球咁多，防守能力認真麻麻，今仗難得可以同巴塞對壘，又係熱身賽冇心理包袱，定必盡展所長，以強大進攻掩飾防線問題，絕對唔會退縮。

巴塞主帥維蘭路華仍處於試陣階段，預計今仗上下半場會係咁換人，一些新丁如沙治羅拔圖、基斯甸泰路、馬田蒙度亞會陸續登場，雖然射手韋拿仍未能披甲，但美斯、阿歷斯山齊士等至少會踢半場，攻力尚可，而維帥講明會派養傷多時的中堅方達斯上陣，令後防更加唔穩陣。如此場合，大盤才是明智之選。