首輪荷甲波童最睇好周日晚主場出擊嘅烏德勒支，佢哋上季主場面對聯賽頭四名球隊都唔使輸，當中曾擊敗過阿積士、阿爾克馬爾，今場面對剛剛打完歐洲賽嘅飛燕諾應可立於不敗之地。上季為飛燕諾射入二十個聯賽入球嘅瑞典鋒將約翰古達迪借用期滿已返回曼城，防線中流砥柱華亞爾亦轉投阿士東維拉，歐聯第三圈外圍賽兩回合不敵基輔已見其害，今場作客仲要讓波，必選「讓球主勝」。

至於周日凌晨三場賽事唔算太好路，燕豪芬、洛達及荷華高斯勝算較高，但賠率唔算太吸引，燕豪芬上周荷超盃鬥阿積士半場已領先二比一，今場作客鬥華域克不妨捧「半場大」。

另一場荷華高斯主場鬥芬洛，荷華高斯上季曾在主場大炒芬洛七比○，不過佢哋季前熱身賽成績，球員似乎未上力，今場可敲「讓球和」。