馬拉加莫財捱細界
2012/08/22文:車車
今年我車車會喺度主力同大家一齊研究吓周中賽事，今日焦點集中喺歐聯外圍賽附加賽首回合，重點介紹西班牙球隊馬拉加主場對希臘球隊彭拿典奈高斯嘅入球細。

馬拉加可以話係「神奇球隊」，佢哋「神奇」在突然話有個卡塔爾財團收購，一變就變咗做富豪球會！不過轉個頭又話財政有困難要閂水喉之餘，仲要賣球員套現。依家要爭歐聯分組賽資格，要顧咁多瓣，真係唔知馬拉加點捱到季尾！

馬拉加喺西甲開咧首場作客贏到切爾達，不過對手只係升班馬，贏得唔算好有說服力，勝在喺問題多多之下，作客小勝提升士氣咁啦！唔知呢股小勝風氣可以頂得幾耐？就好似今晚對彭拿典奈高斯，要贏都唔係咁易。

彭拿典穩陣揀半場和
馬拉加熱身賽戰績一般，一眾主力又因為財困閃得就閃，啱啱8月頭就連去季最入得波嗰位委內瑞拉國腳荷西朗頓，都被賣去俄超魯賓卡山！雖然主場勝出率都算高，但真係唔好寄望今仗入球率高得去邊囉！

彭拿典奈高斯近期連勝4場，之前歐聯第3圈外圍賽對馬瑟韋爾兩場全勝、共入5球兼零失球，近況唔錯！不過，今晚要作客，估計又唔會太進取嘅！往績上，大家無數據可參考，加上彭拿典奈高斯近10場作客只入得9球，作客求穩入球率唔高。

既然兩隊都係屬「攻不銳」部隊，呢場可試半場和同入球細埋手。提提大家，今晚輪到小妹做呢場直播，記住留意球彩台！

車車推介
馬拉加 Vs 彭拿典奈高斯

半場和、入球細