慕遜加柏心繫歐聯 賀芬咸受讓有計
2012/08/25文:SAMVO肥叔

歐洲主流英、意、西、德、法聯賽開齊，博彩市場氣氛好到不得了，周六、日咁多波揀，確係花多眼亂，但切忌場場都買亂石投林！今次肥叔揀咗場德甲賽事做重心，慕遜加柏主場鬥賀芬咸，可捧賀芬咸！

賀芬咸剛於德國盃畀低組別球隊柏林人大炒，跌到一地眼鏡碎，佢哋成場波發揮嚴重失準，賽績唔可以作準！賀芬咸人腳唔曳，返聯賽要打爭氣波，唔會再懶懶閒。慕遜加柏要兼顧歐聯戰線，首回合仲喺主場輸畀基輔戴拿模，形勢極曳，今季食粥食飯就睇嚟緊次回合，點會放今場聯賽在眼內吖，讓波信唔過！

費倫小讓有得諗
意甲賽事費倫天拿主場對烏甸尼斯，烏甸又係要踢歐聯，佢哋首回合作客布拉加和波，現時形勢唔錯，但絕對唔可以鬆懈，今場聯賽唔會咁肉緊。費倫級數唔算特別高，但主場出擊始終有保證，今場讓平半至半球，個盤都算合理，可敲上盤！

每逢季初階段，肥叔都會積極找尋銀行隊，主要集中火力搵啲優質升班馬，英超升班馬雷丁條件唔差，具備上升空間，但上場惡戰車路士搏得盡，元氣大傷，本周只宜觀望。

肥叔心水
格雷特霍夫 下盤、大

賀芬咸 下盤

曼聯 大

韋根 下盤

熱刺 上盤

費倫天拿 上盤

車路士 大

華歷簡奴 下盤