錫菲聯高兩班捧客勝
2012/08/25文:Macot

Macot今日專注於英甲，特別同大家研究高車士打主場對錫菲聯呢場波，雖然兩軍踢完兩輪聯賽之後只有2分差距，不過喺Macot眼中兩班波實力相差兩班，錫菲聯值得喺英冠比賽，而高車士打只有英乙水準，錫菲聯客勝有2.25倍好賠率，值得一捧。

錫菲聯上季喺英甲升班附加賽踢到決賽，面對哈特斯菲爾德，比賽過程佔上風，但最終踢成0:0，最後互射12碼因為門將施蒙遜射失而飲恨，最終無緣升班，十分悲情，不過佢哋未有因此而洩氣，今季留住上季所有主力球員之餘再作補強，主帥丹尼威爾遜亦豪言升上英冠嘅大業並未失敗，只係順延一季。Macot亦可以同大家講，錫菲聯係今季英甲嘅頭號勁旅，下季絕對應該可以喺英冠見。

高車士打主場冇着數
高車士打今季至由英乙升上英甲，本身人腳同班底未見增強，踢落水準亦唔高，上仗主場面對財困弱旅樸茨茅夫，去到完場前都被逼和，無法打開勝利之門，今場面對級數高得多嘅錫菲聯，Macot相信即使主場都幫佢唔到，今場錫菲聯贏面高唱入雲，波膽我貼客軍贏3比1。

Macot推介：
錫菲聯勝 ★★★★

諾士郡大 ★★★

燦美爾下盤★★★