英聯盃有多場賽事舉行，其中一場由英冠列斯聯主場對英乙牛津聯。列斯聯季初表現sharp醒，今場盃賽有能力大勝低組別球隊牛津聯，主W先揀。

今季列斯聯踢過四場比賽，除作客黑池力拚僅敗之外，其餘三場都能順利勝出。而最有參考價值係英聯盃對梳士貝利大勝四比○，證明列斯聯對住弱勢球隊都唔會手軟，有機會就贏到盡。牛津聯近三場全勝走勢不俗，但點講都係一支英乙球隊，級數上與英冠球隊列斯聯有好大距離。

至於蘇聯盃，蘇超基爾馬諾克主場對蘇乙史丹侯斯姆。今場同樣強係弱懸殊對賽，「讓球主勝」開出機高。雖然基爾馬諾克近況一般，但要知道蘇格蘭各級聯賽差距好遠，蘇乙球隊史丹侯斯姆好難威脅到對手，何況今場要作客，形勢上絕不樂觀。