歐聯今晚上演五場附加賽次回合，重頭戲有意甲烏甸尼斯主場迎戰葡超布拉加，雙方首回合打和一比一，烏甸尼斯今仗打和○比○都可憑作客入球優惠晉級，不過以佢哋上屆彪炳嘅歐洲賽主場戰績，斷估唔會刻意死守求和，主隊小讓平半，上盤值得支持。

烏甸尼斯上屆於歐聯附加賽不敵阿仙奴無緣分組賽搵大錢，不過唔代表呢班波冇料到，事關佢哋轉戰歐霸盃後表現唔錯，由分組賽開始至十六強踢咗五場主場比賽，取得三勝兩和不敗成績，當中包括擊敗上屆歐霸盃盟主馬德里體育會，而且佢哋上季意甲主場亦有接近九成不敗率，係冠軍祖雲達斯以外主場成績最好嘅球隊，充分證明有真材實料。

烏甸尼斯目前手執一個作客入球，今場只要唔失波已可晉級，不過世事無絕對，如果守守吓去到完場前先輸波，到時真係喊都無謂，既然球隊擁有咁好嘅主場戰績支持，絕對有條件去爭取贏波免除後患。

布拉加近年踢歐洲賽畀人感覺主強客弱，首回合未能把握主場優勢贏波，似乎已埋下出局伏線，上場如果唔係伊斯美利一腳神來之筆，布拉加主場輸埋絕對唔出奇，形勢上佢哋今場一定要入波先有價講，可惜佢哋防線唔穩陣，對上三場比賽都有失波，谷得太上隨時畀主隊有機可乘。

烏甸尼斯　　上盤

馬拉加　　　細

安德列治　　勝