華盛頓聯隊做東劏牛
2012/08/29文:巨高

周中有三場美職舉行，包括華盛頓聯隊主場對紐約紅牛。兩隊實力好接近，華盛頓聯隊佔得主場之利，爭勝條件比對手優厚，主W值得留意。

紅牛作客頻失蹄
雖說紐約紅牛近況不錯，連續三場聯賽取兩勝一和，但要留意當中有兩場都係主場賽事，紐約紅牛憑地利之助勝出好正常，剛賽作客肯薩斯體育會，紅牛就踢得相當吃力，最終要靠對手擺烏龍先至追平。紐約紅牛球員看來頗為疲勞，而且近期作客又頻頻失分，今場好難威脅到華盛頓聯隊。

睇番今場主角華盛頓聯隊，幾日前慘吞蒙特利爾衝擊三隻光蛋，但球迷唔使對落敗賽績太過在意。因蒙特利爾衝擊添上多名意兵後戰力大增，加上當日華盛頓聯隊飛赴加拿大比賽，對於球員身心有好大考驗。今次返回主場比賽，華盛頓聯隊必定有良好發揮，主W必捧。