安治質高唔赦阿爾克馬爾
2012/08/30文:Anton

今晚歐霸盃本來有三支比利時球會登場，可惜馬會都冇受注，不過仍然有Anton祖家俄羅斯球隊安治獻技，作客鬥荷甲阿爾克馬爾，富豪球會安治對歐霸盃充滿野心，今場有力保持不敗，推介1.83倍「讓球客勝」。

凍結艾迪杜里就掂
安治首回合主場贏1比0，上半場雙方基本上拉成均勢，但下半場安治表現明顯好得多，入波後更好有機會擴大領先優勢，值得贏得更多。阿爾克馬爾雖然係歐洲賽常客，不過如今整體級數喺歐洲只係二、三流，尤其中後場實力，喺我眼中真係相當平凡。

安治明顯係上升中球隊，近期喺俄超表現有進步，名帥希丁克已逐步將球隊帶上正軌，今季喺歐戰5戰全勝，陣中又擁有伊度奧、保素化同施哥夫等足以憑一己之力改變戰局嘅球星，我認為只要安治能夠凍結到阿爾克馬爾射手艾迪杜里，今場作客可保不敗。

Anton推介：
安治讓球勝★★★★

波爾多讓球勝★★★

川迪讓球勝★★★