[东方日报]馬體會+1拆車

东方日报

2012-08-31

一年一度的歐洲超級盃，今屆於法國摩納哥路易二世中立場上演「車馬大戰」，由歐聯盟主車路士惡鬥歐霸王者馬德里體育會。車仔改踢「性感足球」，太過倚賴「扭神」夏薩特，表現雖勇但未臻完善，相反馬體會沿用穩守突擊打法，又有兩屆歐霸金靴法卡奧壓陣，有力同車仔周旋，加上近9屆歐超盃都係梅花間竹，上屆由歐聯盟主巴塞封王，照攤路今屆輪到馬體會，「讓球客勝」非常值博。

由於上屆一圓歐聯捧盃夢，車仔班主阿布拉莫域不惜工本，本季為球隊年輕化之餘，仲希望一洗以往醜陋足球的形象，大踢悅目的「性感足球」。從今夏簽入夏薩特、馬高馬連、域陀摩西斯、奧斯卡杜斯山度士等，個個都係技術出眾、突破力強的矮細球員，呢種注重地面組織的進攻打法，亦激活了久沉的「王子」費蘭度托利斯，近兩仗都有士哥，信心返晒嚟。

不過，車仔領隊迪馬堤奧堅持這種打法，是因為有個傳得、扭得、快速的中場夏薩特，呢位比利時金童僅出賽3場，便造出1入球4助攻，並且博到兩次12碼，車仔總共8個入波中，有7球係關佢事。但針無兩頭利，其他球員對戰術明顯未適應，仍需要時間磨合，因此迪帥惟有倚賴夏薩特的個人能力爭勝，若果他被嘜死或唔弗時，該隊的進攻就即癱瘓。

泰利停賽法卡奧有位入

相反，馬體會自上季季中由施蒙尼接手後，一直打穩守突擊，呢種剋死「性感足球」的打法，實際而高效，於歐霸決賽擊潰同樣踢「漂亮足球」的畢爾包便是明證。該隊幾名中場如堤亞高文迪斯、馬里奧蘇亞雷斯、基比都係硬漢，今季仲多埋基斯甸洛迪古斯、魯爾加西亞及安利等，令攔截力有增無減，加上哥倫比亞射手法卡奧上輪大演帽子戲法，證明狀態弗爆，面對有泰利停賽、被迫起用過於輕出的大衞雷斯的車仔防線，呢位歐霸金靴一定搵到着數，有信心嘅可考慮埋馬體會2.19倍的「冠軍」。

[东方日报]馬體會+1拆車

泰利停賽 法卡奧有位入

相关阅读： 东方日报

泰利停賽法卡奧有位入

相关阅读：东方日报