漢堡未執掂難敵不來梅
2012/09/01

首次喺歐陸連線同大家見面，Oliver係漢堡人，頭炮就講吓雲達不來梅對漢堡呢場德甲北方打吡戰，兩軍係多年死敵，老一輩球迷更互相憎恨對方，令呢場比賽嘅重要性大於一般聯賽，但我認為漢堡仲未執掂，今場推介不來梅主W。

今季原本係漢堡值得自豪嘅球季，我哋係唯一球隊能夠連續第50季喺德甲比賽，不過當先後喺德國盃同聯賽首仗敗於卡爾斯魯厄同紐倫堡後，而且表現都慘不忍睹，球迷都浮現悲觀情緒：下季我哋會唔會首次降班呢？

雲達華治重返漢堡
漢堡今夏繼續流失主將，柏歷、荷西古里路、查洛林同高漢托尼嘅離去令我哋質素大降，過去兩場比賽表現只可以用災難嚟形容，雖然今仗賽前得到新援巴迪積同積拉錫加盟，仲喺轉會窗關閉前召回舊將雲達華治，三個人共使咗2,100萬歐元，預期今晚都會踢，但初嚟甫到兼且位置重疊，相信唔容易即時有貨交。

不來梅今季一樣大執，鋒線主力比沙路、羅辛貝治同馬高馬連走咗，防線兩大領袖韋爾斯同拿杜亦走埋，好在教練舒哈夫早有大換血準備，季前將班波操得好弗，前線剩低嘅舊將阿拿奧杜域季初已着火，加上新兵艾利亞、尼斯彼德臣同奇雲迪布尼表現都對辦，前線仲有新兵阿克柏拉登場，佢哋嘅準備同狀態明顯遠在漢堡之上。

漢堡過去19季聯賽作客不來梅只曾兩勝，Oliver認為今場都唔夠踢。

Oliver 推介：
雲達不來梅勝★★★

紐倫堡大★★★

賀芬咸勝★★★

上一則 : 史浩克夠炒