熱刺補完貨嗒得諾
2012/09/01文:Wendy

尋日另一半去櫻桃街踢波，我就一於做「跟得夫人」去捧場。佢司職前鋒，結果係入咗幾球兼有助攻囉，班隊友讚佢把握力同畀波意識好喎！所以話，好前鋒對球隊好重要。

相信熱刺都認同迪科爾係好前鋒，否則唔會同佢續一紙三年約，今季有佢同艾迪巴約，再配合由富咸加盟嘅迪比利，火力有保證，希望今晚主場對諾域治，佢哋三個可以為球隊帶來英超首場勝利啦！

其實上輪主場對西布朗，全世界都以為熱刺贏梗，馬會主勝最後賠率得番1.45倍。74分鐘伊高圖開紀錄後，熱刺以為三分到手，點知補時畀占士摩利臣入波追平，但熱刺明顯係較有優勢嗰隊。

一致睇淡諾域治
其實熱刺條防線都幾令新教頭保亞斯頭痛，中堅卡保爾受傷，可能繼續用新加盟嘅維頓漢同加拿斯，默契有待磨合。不過今晚對手諾域治唔係強隊，我會再投熱刺信心一票。

諾域治今季狀態亦麻麻，開咧戰作客吞富咸五蛋，上輪聯賽主場對昆士柏流浪亦贏唔到波。今場比賽外國博彩公司開咗諾域治受讓一球、球半盤，好明顯被睇淡得好緊要，所以今場捧熱刺「讓球主勝」啱數！

Wendy推介
熱刺 Vs 諾域治 讓球主勝