泰維斯入波2.3倍玩得過
2012/09/01

周末英超曼城主場對昆士柏流浪，設有特別項目投注，而主角就係曼城前鋒泰維斯，相信「入球」係會首先發生喺佢身上嘅項。

其實呢位阿根廷射手已經全面回勇，由社區盾計起已連續三場有入球，當弗球員當然有能力射破昆士柏流浪大門。早前有報道指，泰維斯今季積極收身，更成功減去7千克肥肉。至於心肺機能屬加盟曼城以來最好一次，故得到領隊文仙尼所重用。

如果想博好賠率的話，「被罰黃牌」有12倍都係唔錯嘅選擇。大家都知泰維斯性格火爆，時不時就走去同球證拗數，因不智行為食黃牌一啲都唔出奇。反正好分頭，不妨拖多票。

同QPR駁火吼角球大
至於角球大細，不妨考慮「大」。曼城今季打法較為開放，隨時會與QPR駁火，攻門次數多的話自然有望令角球數字提升，要突破中位數11.5個實在唔難。