倫敦打吡富咸「+1」送大禮
2012/09/01文:山度士
今晚英超有場「迷你」倫敦打吡，韋斯咸主場對富咸！度士頗為欣賞富咸表現，佢哋勝在拚勁十足，攻力又好，上輪聯賽作客都逼到曼聯氣咳，值得鼓掌。富咸今仗對手換為新升班球隊韋斯咸，估計會有唔少入球，度士今場睇好大盤及富咸「讓球客勝」。

富咸開咧戰大炒諾域治5比0，令人刮目相看，上輪去到奧脫福鬥曼聯亦唔怯場，比賽後段壓住紅魔鬼嚟打，幾乎搶到分。雖然富咸最終輸2比3，但入到曼聯兩球，都已經唔簡單。相信富咸會挾餘威強攻韋斯咸，以佢哋火力，要入波應該冇問題。

韋斯咸主場一定攻
韋斯咸話晒主場出戰，而且係倫敦打吡，估計踢法會傾向進取求勝。事實上，兩隊過去六次對壘，有五次開入球大，足以證明雙方碰頭，進攻意欲特別高。以波論波，目前富咸實力秤高少少，今場形勢唔會輸蝕，有得受讓之下，「讓球客勝」當然值得考慮。