C朗冇乜態未必交到貨
2012/09/02
C朗係眾矢之的，被對手嘜實隨時乜都做唔到。
 
 

今次推介特別項目圍繞住兩大球星C朗及美斯，先講皇家馬德里主場對CF格蘭納達。而首先發生喺C朗身上嘅事情，隨時會開出編號「上述事件沒有發生」。C朗踢法斯文，好少會喺比賽中食牌，而球隊角球主理人又唔係佢，相信開出機會唔高。考慮到C朗似乎仲未上力，今場要取得入球有多少難度，加上入球一瓣又不足2倍，欠投注價值揀唔落手，左睇右睇都冇個似樣，不如揀個「上述事件沒有發生」。

至於巴塞隆拿主場對華倫西亞，首先發生喺美斯身上極可能係編號「入球」。呢位阿根廷球員狀態大勇，連續兩場都有入球，今場再「士哥」有乜出奇？有2.55倍先揀。另一個有機會開出為編號開出角球，特別項目以呢瓣最熱，事實上美斯都有份去開角球，開出機會都唔算低。至於今場角球中位數為11.5，以巴塞小組入滲為主嘅打法，未必會有太多角球，角球「細」可捧。