K神弗爆德國誓炒魚腩
2012/09/07文:Alwin 
 

世界盃歐洲區外圍賽開打，C組擂台躉德國首仗主場迎擊魚腩部隊法羅群島，德國近期戰績欠佳，難得遇魚腩矢志攞頭彩，箭頭高路斯近況全面回勇，今場大炒味濃，「讓球主客和」德國讓四球都唔算多，捧1.95倍「讓球主勝」。

德國近期戰績差，上月熱身賽主場更慘敗於阿根廷腳下，領隊勒夫同佢嘅教練團都背負沉重壓力，今仗面對世界排名154嘅弱旅當然要大勝重拾自信。

今仗安排喺漢諾威嘅AWD球場上演，漢諾威門將薛拿賽前請纓上陣，不過未能如願，因為教練團已經決定用最強陣容出擊，拒絕冒險，一號門將紐亞將會把關，前線馬里奧高美斯繼續養傷，但老將高路斯正處於佳態，上周於拉素大勝巴勒莫之役梅開二度，目前「K神」已為德國隊取得64個入球，只差4球就可以追平傳奇「梅拿」嘅德國國家隊史上入球最高紀錄，今晚喺湯馬士梅拿同馬高列奧斯支援下，遇魚腩當然數得就數。

法羅群島殘陣質庸
法羅群島係歐洲魚腩，近7場作客賽事全敗共失24球，仲要係所遇對手實力非強，今仗佢哋陣容同狀況都曳，法羅群島近3次作客對較強對手包括葡萄牙、法國同意大利都各吞5蛋，今仗面對德國根本冇得揮。

Alwin 推介：
德國讓球勝 ★★★★

比利時勝 ★★★★

美國勝 ★★

Alwin
Hoffenheim CL Winner

國籍：德國

47歲，自小是史浩克擁躉，居於德國南部城市海德堡鄰近的辛斯海姆，即賀芬咸大本營，對兩支球隊都有濃厚感情及深入資訊，除為多個德國足球網頁撰寫球評外，亦在個人博客hoffeclwinner.blogabet.com 提供免費足球推介。