岡薩多熱唔透帕塞羅有雞偷
2012/09/08文:蘇豪
天皇盃第二圈展開，日職包尾大幡札幌岡薩多主場對長野帕塞羅，岡薩多完全踢唔掂日職，今次仲要搵班副選落場，難怪主Ｗ有1.95倍，咁鬼好分，邊有咁大隻蛤乸隨街跳吖！長野帕塞羅屬JFL一哥，表現好硬淨，一於博「讓球客勝」！

經過廿四周聯賽後，札幌岡薩多只得10分，被視為降班膽，擺明只得日乙水準，今次仲要唔齊腳，中場重心雷蒙奧斯尼有傷，預計唔會冒險落場。後防方面，澳洲中堅諾夫代表國家隊，南韓兵金載桓要養傷，18歲新仔奈良龍樹將於後防擔大旗，就算老將河合龍二傷愈復出，相信都幫唔到幾多！

長野帕塞羅上年參戰JFL即取得第二名，非常叻仔，呢班波目標遠大，已成為日職聯成員，但由於球場未合乎規格，暫時應未可殺上日乙。長野帕塞羅現時於JFL位列榜首，隊內冇乜星級球員，但有個熟悉面孔，箭頭藤井貴之前曾經來港効力沙田及晨曦，班波愈踢愈有信心，有條件爆冷晉級！

勝利船「大」得起佐川
另一場天皇盃神戶勝利船中立場鬥佐川急便滋賀，勝利船易帥後崇尚進攻，對住「丙組仔」佐川急便滋賀肯定數到盡，1.6倍大盤勝在夠穩陣。

天皇盃推介
長野帕塞羅：讓球客勝

神戶勝利船：大

松本山雅：讓球主勝