高士路平手盤舔舔利
2012/09/09文:ComboKing

今日阿King專注鑽研巴甲賽事，其中高士路作客利斯菲體育會可以話坐和望贏。利體會本季戰績曳絕，目前排緊尾三，聯賽主勝率三成唔夠，喺自己地頭出戰都信唔過。雖然巴甲主場優勢明顯，但近四對戰高士路贏晒，今次開平手盤強捧客軍！

利體會冇贏波板斧
利體會本季一分難求，自7月中起出戰13場聯賽，竟然只贏得1場咁大把，當中試過五連敗，狀態有幾曳唔使多講。呢班波攻力疲弱，目前係巴甲入波最少球隊，根本冇贏波板斧。係人都知巴甲主場嗰隊好着數，但高士路正正係利體會剋星，平手盤好好路；如驚捧客軍走盤，可揀「讓球客勝」。

另一場華斯高主場對巴希亞，主W賠率奀過鬼，建議捧「半場和」。華軍一向慢熱，近8戰半場7次冇波入；巴希亞作客死守，近6仗4開「半場和」，要追。睇埋英甲，高雲地利主場鬥史提芬納治，前者本季主場不勝，後者作客聯賽不敗，客軍受讓抵捧。