巴拉圭搵委內瑞拉出氣
2012/09/11文:ComboKing

周三凌晨及早上有多場世界盃外圍賽上演，阿King對其中三場南美洲區賽事頗有心水，其中巴拉圭主場迎戰委內瑞拉，主隊雖然於外圍賽遭逢三連敗，但值得留意係三仗皆屬作客賽事，球隊今次回師主場面對弱旅委內瑞拉，是時候贏波一吐烏氣，捧主隊巴拉圭。

巴拉圭日前作客1比3不敵阿根廷，近三仗世界盃外圍賽未嘗一勝，但要留意三場都屬作客賽事，並非巴拉圭強項。巴拉圭今次主場迎戰委內瑞拉，挾球隊近十仗主場未嘗一敗之勢，相信有力重振雄風。

委內瑞拉近年戰績雖有改善，但作客始終屬弱項，近八場作客賽事只得三和五負，日前客場更以1比2不敵秘魯。委內瑞拉上仗有後衞加比爾施卓路領紅牌被逐，今仗要停賽，令球隊實力大為削弱，作客面對人強馬壯嘅巴拉圭，輸波機會甚高。

智利恰到哥倫比亞
另一場智利主場對哥倫比亞，哥倫比亞上仗大勝烏拉圭表現可人，但球隊要造訪近十仗主場賽事全勝嘅智利，加上雙方近三次交手哥倫比亞皆未嘗一勝，一於捧智利贏波。而阿根廷今屆世界盃外圍賽作客表現明顯不及主場穩定，縱然球隊實力遠勝主隊秘魯，但未必能輕易贏波，博主隊守住半場唔輸，冷敲「半場和」。