巴塞挑基敲「讓球和」
2012/09/15文:法達斯維
至於巴塞作客基達菲之役，前者除了陣中仍有艾比度、艾錫古恩卡同蒙尼沙等長期傷兵之外，經過兩場國際賽後，西班牙中場「小白」恩尼斯達不幸右腳大腿受傷，要抖10至15日，而智利翼鋒阿歷斯山齊士同告負傷，冇咗呢兩名突破高手，勢必影響巴塞進攻效率，何況下周中歐聯要對莫斯科斯巴達，教頭維蘭路華或會讓部分球員休息而作出輪換。

基達菲一向都係「西甲豬頭骨」，絕對唔易啃，尤其坐鎮主場特別生猛，該隊曾在次輪於自己地頭反勝皇馬，前線阿祖安哥倫加、拿菲達同巴拉達反擊銳利，一定會搞到巴塞防線風聲鶴唳。當然，「地上最強」仍有近況唔曳嘅韋拿、柏度洛迪古斯可用，預計呢場主攻對反擊之戰入波唔會少，大盤有計，若嫌分頭唔夠，可冷敲3.85倍嘅「讓球和」。