皇馬客W擺幾維 氹掂C朗順便慶功
2012/09/15文:法達斯維
經過國際賽期後，今晚西甲重燃戰火，其中壓軸戰西維爾主場對皇家馬德里值得留意。C朗之前一句唔開心，搞到話要離開皇馬，好彩事件已告平息，呢位葡萄牙球星亦可專心替「銀河艦隊」打江山，作客西維爾可謂不勝無歸，客勝有計。

國際賽後，莫連奴同C朗終於傾掂數，尋日球會影大合照時，仲攞起寫住「馬德里人」嘅圍巾表忠心，姑勿論C朗因乜事會話於皇馬唔開心，他在「銀河艦隊」的重要性毋庸置疑，而且佢更係西維爾剋星，過去兩季皇馬作客西軍都血洗6比2，而C朗更轟入7球，如今佢收拾心情，實在係皇馬之福。另一好消息係上季收入為5億1400萬歐元，破球會紀錄。