曼聯讓波你同我定
2012/09/15文:山度士

韋根去親奧脫福例死火
今晚英超曼聯於主場迎戰韋根，紅魔贏波可說毫無懸念，佢哋主場對韋根往績超勁，雖有朗尼缺陣，但一樣有力大勝，捧「讓球主勝」。

曼聯自開鑼戰輸畀愛華頓後，雖連贏富咸同修咸頓，但兩仗比數都係3比2，似乎有點驚險及稍欠說服力。但度士認為主要原因係曼聯買了尹佩斯和香川真司後，新舊球員磨合需時，而主帥費格遜似乎亦拿不定主意究竟重用朗尼抑或尹佩斯，令整體表現就不太理想。

尹佩斯掛帥掂硬
朗尼早前對富咸受傷長抖，終令費Sir別無選擇下重用尹佩斯，度士認為尹佩斯作為曼聯新丁，一定會盡量爭取入球博取球迷的歡心，今仗只要能夠正選上陣就有力入波，加上其他具級數的隊友，曼聯贏波的機會可說高唱入雲。雖然尹佩斯及香川真司被指在國際賽受傷，但兩人昨日有操練，上陣機會樂觀。曼聯下周在歐聯有賽事，但只係主場對實力一般嘅加拉塔沙雷，似乎冇乜留力嘅需要！

韋根今季的表現其實不差，但作客曼聯實在太難踢，能全身而退的機會實在微乎其微。而且韋根近年造訪奧脫福球場戰績平平，從未贏過之餘更多數大敗而回，相信今晚隨時會歷史重演，度士決定捧「讓球主勝」。