凱沙超級鋒線夠炒杜堡
2012/09/16文:Alwin
Alwin今晚德乙支持凱沙羅頓，憑超級鋒線主場撲擊榜尾杜伊斯堡擺明不勝無歸，主Ｗ固然係過關重心，我對2倍嘅「讓球主勝」亦甚有信心。

凱沙羅頓今季降落德乙，但除保留大部分主力外亦努力增兵，一口氣簽得曾經喺紐倫堡取得重大成功嘅瑞士國腳箭頭賓查古、前慕遜加柏同法蘭克福射手艾迪素，仲有効力過慕遜加柏、拜仁同史浩克嘅年輕進攻中場鮑祖漢，呢三個球員令球隊鋒線徹底轉弱為強，賓查古同艾迪素至今踢咗4場聯賽已合共為球隊轟入6球，鮑祖漢嘅致命直線傳球簡直將德乙球隊嘅防線話劏就劏，佢哋今季4戰保持不敗，但兩場勝仗都係作客，主場兩戰都喺優勢下不幸言和，今仗矢志搏盡求主場開齋，戰意極濃。

杜伊斯堡攻守都糟糕
杜伊斯堡至今聯賽4戰全敗淪落榜尾，共失12球如不設防，球隊無計可施下急急換帥，但只能由德丙達姆施塔特引入級數有限嘅尹查錫執教，短時間內好難令呢支攻守都糟糕透頂嘅球隊轉弱為強，何況佢哋最佳後衞巴積受傷，今仗恐難趕及上陣，防線雪上加霜，憑乜嘢去抵擋凱沙強攻？

Alwin推介：
凱沙羅頓讓球勝 ★★★★

羅馬大 ★★★★

法蘭克福大 ★★★★