馬里迪莫「+1」唔怕士砵亭
2012/09/16文:ComboKing

葡超獨腳戲由馬里迪莫主場對士砵亭，近年士砵亭嘅成績都比唔上賓菲加以及波圖，「Big3」地位備受動搖。而今季開局又唔好，睇嚟士砵亭今季都有排搞。馬里迪莫無論喺歐霸盃外圍賽或者聯賽，演出都較士砵亭優勝，主場出擊兼受讓，「讓球主勝」可大力捧場。

意甲早場捧基爾禾
馬里迪莫上季聯賽以第五名過終點，演出唔差得過士砵亭幾多。況且今季士砵亭仲未上力，馬里迪莫大可把握主場之利向對手施壓。其實雙方最近一次對賽都係馬里迪莫勝出，主隊球員喺心理上當然佔優。

另一場留意係意甲早場基爾禾主場對拉素，論到近績梗係拉素，不過基爾禾係出名嘅神經刀，對住強隊就特別醒神，平手盤可留意主隊。

最後拖連奴主場對國際米蘭，客W係唔錯嘅選擇。拖連奴今季仍未對過強隊，聯賽不敗只係假像，國際米蘭呢三分應該走唔甩。