多蒙特阿積士求存鬥大
2012/09/18文:WENDY

哀家依家身處高麗國「梳乎」，喺酒店 住韓語旁述睇波別有一番風味，好在我都已經學咗兩年韓語，都 得明部分評述㗎！

今晚歐聯分組賽開鑼，最想睇當然係死亡Ｄ組，呢組嘅多蒙特同阿積士被睇淡，阿積士更被莊家認為墊底機會最大。其實兩隊都知道自己有幾多斤両，好難喺皇家馬德里同曼城身上搶分，所以今晚必定想先擊敗對手望有分落袋先，所以我決定捧大盤。

死亡Ｄ組要搏命
初步好多莊家開多蒙特讓一球低水，反映贏面都大。不過主勝唔太敢買，一來多蒙特上屆歐聯戰績奇差，分組賽已出局，呢隊波仲未夠能力應付兩條戰線；二來今季香川真司走咗，成個陣營要重新調整，呢場想贏都唔易。不過，拜仁慕尼黑高層漢尼斯話多蒙特未夠班出國外見世面，相信都會激起「蜜蜂兵團」嘅鬥志，我好期待多蒙特喺歐洲賽有進步，否則都好難同班球迷交代。

阿積士貴為上季荷甲冠軍，喺前荷蘭國腳法蘭迪保亞帶領下大打秀麗進攻足球，而上季佢哋係荷甲攻力最強嗰隊，相信唔會咁易畀蜜蜂螫死。上屆歐聯阿積士戲劇性地喺分組賽出局，迪保亞已經知道盡早搶分同埋要爭取多入波係幾咁重要性，呢場大盤可選。