蒙彼利埃扮豬食老虎
2012/09/18文:黃興桂

Peter睇咗咁多年波，講到最神奇、頂級、超卓嘅賽事，若然歐聯敢認第二，冇人敢認第一！歐聯吸金力極強，現時係全球收入最豐厚球賽，參賽球隊每次晉級都會賺一筆，最終奪冠嗰隊當然名成利就啦！今晚分組賽正式開鑼，8組分組賽32路大軍都向住呢個目標進發。Peter今屆賽事喺賽日會現身「崎寶」歐聯節目，同時喺《東方波經》同大家見面，雙線向球迷分享波經，真係喜出望外，雀躍萬分呀！

講番首輪賽事先，B組矚目戲碼係法甲冠軍蒙彼利埃主場對阿仙奴，蒙軍上場聯賽輸波，可能只係示人以弱，「兵工廠」千祈唔好輕敵，否則隨時會滑鐵盧。另外，第二個賽日輪到衞冕嘅車路士出場，佢哋主場對全面復甦嘅意大利勁旅祖雲達斯，又睇吓到時「車仔」教頭迪馬堤奧仲係咪好似上屆咁好