波圖清倉冇貨賣
2012/09/18文:SAMVO肥叔

葡萄牙球隊波圖曾幾何時喺歐聯威到盡，但近年成為歐洲列強挖角對象，呢頭畀人撬完領隊，轉頭輪到主力走人，季前又有王牌前鋒侯克離隊，現時實力唔及上季，作客薩格勒布戴拿模讓波擇使，捧對家！

年年都有主力離隊
波圖雖然係葡萄牙班霸，但財力唔及歐洲其他大會，一有主力打起咗就要趁靚價錢放人，呢種經營模式都幾健康，不過，佢哋幾乎每年都有主力離隊，上季賣走法卡奧，啱啱又失去主力前鋒侯克，大軍鋒力受削，唔可以用之前表現去計。克羅地亞球隊薩格勒布戴拿模實力唔算強，只能把握主場優勢搶分，趁波圖未執掂有力偷雞！

同日希臘勁旅奧林比亞高斯主場對史浩克04，希臘球隊專打主場，奧林比亞高斯亦唔例外，呢隊波本身都有啲級數，史浩克名氣較大，但作客唔算叻，今場莊家開緊平手盤，都係捧主隊穩陣啲。

意大利名牌球隊AC米蘭今夏係咁賣走主力，依家人腳麻麻，踢落好曳，今次對住比利時球隊安德列治讓一球，個盤太辣喇。安德列治亦唔多掂，呢場睇唔清，放棄！

肥叔心水
薩格勒布戴拿模下盤

巴黎聖日耳門上盤

蒙彼利埃大

奧林比亞高斯平手盤

阿積士下盤、大

皇家馬德里上盤