些路迪主場惡到曉菲
2012/09/19文:SAMVO肥叔

今次睇中場歐聯G組賽事，些路迪主場對賓菲加，牌面睇落客隊級數好似高啲，不過，蘇格蘭球隊主場向來硬淨，些路迪並非魚腩，主場受讓盤口有利，呢隻下盤絕對博得過！

賓菲加讓唔起
蘇超今季少咗隊名牌球隊格拉斯哥流浪，些路迪一隊惡晒，可以專心打歐洲賽，近期佢哋聯賽成績麻麻，肥叔認為好正路，淨係靠國內聯賽搵唔到食，些路迪必須靠歐聯掘金，主場賽事就係搶分黃金機會，首戰對賓菲加實當決賽踢，鬥心一流，受讓平半至半球相當抵玩。

同日仲有場F組賽事值得留意，里爾主場對巴迪，里爾今季人腳麻麻，唔好睇得呢班波太高，佢哋聯賽踢落唔對辦，今場讓到球半，明顯太辣！巴迪近年經常出戰歐洲賽，經驗唔少，呢班波唔起眼但實力唔弱，今次繼續被睇淡，有機會偷雞搶分，可留意下盤！