歐霸盃L組荷甲川迪主場鬥德甲漢諾威，荷蘭同德國呢對鄰國，無論國家隊同球會，每次交鋒，都係打吡戰，今場兩軍都攻強守弱，大家都唔會踢保守足球，Alwin認為1.82倍入球大係不二之選。

漢諾威係Alwin嘅大盤銀行隊，呢班波勝在夠癲，無論對邊隊都肯攻，而且乜波都搏，上圈對施拉斯克兩回合合共炮製14個入球，次回合喺大局已定嘅形勢下都唔收手，認真可愛。佢哋啱啱德甲主場贏雲達不來梅3比2，士氣正盛，但其實防線表現一團糟。佢哋向來都以攻代守，勇往直前，所以根本唔使理會佢哋賽程有幾密同跟住要對邊隊，嚟到分組賽必定盡情搶攻，何況陣中大腦侯斯迪狀態巔峰之餘，啱啱喺聯賽無端領紅牌，可以更專心踢歐霸盃，今場作客遇上後防同樣咁曳嘅川迪唔憂冇波入。

川迪目前以5戰全勝共入15球佳績高踞荷甲榜首，啱啱仲作客大炒威廉二世6比2，同漢諾威一樣咁瘋狂，佢哋今季賣咗首席射手盧克迪莊畀慕遜加柏，但對攻力同成績都冇影響，皆因會方補充工作做得好。

來自格羅寧根嘅杜辛泰迪治、國米嘅卡斯泰亞奴斯同阿積士嘅布利堅令球隊進攻更多元化，加上天才中場利萊費亞進一步成長，已經成為球隊進攻命脈，佢哋嘅反擊速度同效率比去季更勝一籌，今場同漢諾威鬥攻，注定係入球騷。

川迪大 ★★★★

利雲特讓球勝 ★★★

士砵亭勝 ★★★