歐霸盃F組拿玻里主場迎戰瑞典AIK蘇納，拿玻里開季聯賽三連勝火速入局，不過客軍五連勝一樣咁弗，相信戰況唔係想像中咁一面倒，主W僅得1.28倍唔抵玩，波童建議捧1.77倍入球大。

拿玻里上季歐聯分組賽力壓曼城打入十六強，最終被冠軍車路士淘汰出局，今季改踢次一級嘅歐霸盃甚有超班味道，佢哋今季成功留住卡雲尼、咸錫、恩拿等主力，戰鬥力得以保持，佢哋意甲開季三戰全勝，一共在巴勒莫、費倫天拿及帕爾馬身上取得十個入球，攻力有保證，定必乘主場之利狂攻對手。

AIK蘇納近況亦極佳，連盃賽在內已連贏五場，包括上圈淘汰俄羅斯勁旅莫斯科中央陸軍，大軍目前信心爆棚，隨時同主隊鬥攻上演入球騷。