歐霸盃H組分組賽，國際米蘭主場鬥魯賓卡山，癲鳳鬥狂龍下開大可期！「藍黑兵團」少帥施特拉馬斯安尼崇尚進攻足球，90分鐘由頭攻到落尾；加上佢例牌於歐霸盃派二線兵出戰，更加入得失得，大盤好分要捧！

國米同好多勁旅一樣，對歐霸盃唔多重視，預料今仗會收起史奈達、迪亞高米列圖、古亞連、馬迪亞斯施維斯達等主力。不過球隊擁有名多高質攻擊手，柏拉斯奧、菲臘比古天奴都數到胡，唔使擔心攻力唔夠；副選門將卡斯迪拿斯或會披甲，國米好大機會失波。於對上兩圈歐霸外圍賽，國米於主場都失兩球，魯賓卡山班前鋒實開心死。魯賓卡山近年歐戰經驗豐富，根本唔赦國米；但球隊近期後防不穩，近八戰六次開大，今場大盤過2倍分頭好路。