咪信往績愛華頓難贏史雲斯
2012/09/22文:Wendy

周六英超早場有史雲斯主場對愛華頓，戲碼唔錯；而曼城對阿仙奴嗰場3D直播，同埋「雙紅會」我愛隊曼聯火併利物浦就 晚至踢，所以建議今晚睇完早場英超就轉去球彩台，睇德甲漢堡對多蒙特捧我哋場，試問大家又點會悶呀？

米高盧特立治軍有道
史雲斯上季以升班馬身份出戰英超，表現絕對合格有餘，尤其佢哋喺主場發揮不俗，連阿仙奴同車路士等強隊都要喺佢哋個自由球場失分。可惜嘅係佢哋上季僅輸嘅4場主場賽事當中，其中一場就係輸畀愛華頓，不過時移世易，睇嚟今晚佢哋有機會報番兩箭之仇喇！

新教頭米高盧特立大家都唔會陌生，連應屆「歐洲足協最佳球員」恩尼斯達都讚過佢係世界上最出色嘅球員。除咗踢波勁，教波亦有板有眼㗎！當年佢帶領過邦比攞到無數殊榮，後來帶基達菲、莫斯科斯巴達同馬略卡亦累積咗相當經驗。

盧特立最鍾意排4-2-3-1陣式，今季史雲斯倚重兩側快馬魯迪治同尼敦戴亞做輸送，佢兩個暫時共已交出5次助攻；箭頭丹尼格拉咸亦有不俗把握力，加上中場已有4球在手嘅米捷，呢隊波嘅地面進攻質素好高，主場出擊入波有保證。

謝拉域受傷鋒力大減
愛華頓同主隊史雲斯一樣喺聯賽暫時得2勝1和1負，但可能上季兩循環都係「拖肥糖」贏，有少少格食格味道，所以莊家們開平手盤客隊低水，有啲仲係客隊讓平半添，不過呢場我又唔太信盤口喎，始終覺得兩隊實力五五波，作客讓波就唔抵玩！

今晚愛華頓陣中最具殺傷力射手謝拉域喺上場對紐卡素受傷，今晚或會缺陣，入波本錢大減。加上連同熱身賽及聯賽，愛華頓近4場作客輸咗3場，我就奉勸大家唔好信往績嘞！

Wendy推介：史雲斯 讓球主勝