多蒙特大鬥法
2012/09/25文:巨高
德甲今周上演快車，兩支班霸多蒙特及拜仁慕尼黑分途出擊，其中多蒙特作客法蘭克福屬惡戰，事關法蘭克福開季四連勝攻入11球，於聯賽榜拍住拜仁，預料今場總入球唔會少，捧大盤。

法蘭克福瘋狂贏加大
法蘭克福聯賽四連勝，每場最少省兩球，全開大盤，數據非常靚。球隊依家信心爆棚，面對任何球隊都唔會退縮，尤其今場對手係上季聯賽冠軍多蒙特，打老虎決心好強。還記得法軍前季降班，煞科戰就係輸畀多蒙特，今場仇人見面分外眼紅，主場必搶攻求勝。

至於多蒙特開季唔順，兩場作客聯賽都贏唔到，先係和紐倫堡，上仗對住漢堡仲幫對手開齋，作客能力備受質疑。從佢哋上仗同漢堡打成2比3嚟睇，「蜜蜂兵團」呢期入得又失得，一於再追大盤。